บทความเรื่อง กระบือบอด

ชาตกฏฺฐกถา ๕ ฉกฺก-ทสกนิปาตวณฺณนา – หน้าที่ 210

        *เล่มที่ 32  คนฺธารชาตกํ หน้า 210

วินโย  วา  สุสิกฺขิโต  น  ภเวยฺย  เอวํ  สนฺเต  ยถา  ติณลตาทิคหเน 

วเน  อนฺธมหิโส  โคจราโคจรํ  สาสงฺกนิราสงฺกญฺจ  ฐานํ

อชานนฺโต  จรติ  ตถา  ตุมฺหาทิโส  พหุโก  ชโน  จเรยฺย  ยสฺมา

ปน  อิธ  เอกจฺเจ  สกาย  พุทฺธิยา  รหิตา  สตฺตา  อาจริยสนฺติเก

อาจารปญฺญตฺติยา  สุสิกฺขิตา  ตสฺมา  อาจริเยหิ  อตฺตโน  อนุรูเปน

วินเยน  วินีตตฺตา  วินีตวินยา  สุสมาหิตา  เอกคฺคจิตฺตา  หุตฺวา

วิจรนฺตีติ  อิมินา  อิทํ  ทสฺเสติ  อิมินา  หิ  สตฺเตน  คิหินา

หุตฺวา  อตฺตโน  กุลานุรูปา  ปพฺพชิเตน  ปพฺพชฺชานุรูปา  สิกฺขา 

สิกฺขิตพฺพา  คิหิโนปิ  หิ  อตฺตโน  กุลานุรูเปสุ  กสิโครกฺขาทีสุ 

สุสิกฺขิตาว  สมฺปนฺนชีวา  หุตฺวา  สุสมาหิตา  จรนฺติ  ฯ

ปพฺพชิตาปิ  ปพฺพชฺชานุรูเปสุ  ปาสาทิเกสุ  อภิกฺกนฺตปฏิกฺกนฺตาทีสุ 

อธิสีลอธิจิตฺตอธิปญฺญาสิกฺขาสุ  สุสิกฺขิตาว  วิคตวิกฺเขปา

สุสมาหิตา  จรนฺติ  ฯ  โลกสฺมิมฺหิ 

        พาหุสจฺจญฺจ สิปฺปญฺจ          วินโย จ สุสิกฺขิโต 

        สุภาสิตา จ ยา วาจา          เอตมฺมงฺคลมุตฺตมนฺติ ฯ 

        ตํ  สุตฺวา  เวเทหตาปโส  อาจริย  อิโต  ปฏฺฐาย  มํ

โอวทถ  อนุสาสถ  อหํ  อนธิวาสกชาติตาย  ตุมฺเหหิ  สทฺธึ

กเถสึ  ตํ  เม  ขมถาติ  วนฺทิตฺวา  มหาสตฺตํ  ขมาเปสิ  ฯ  เต

สมคฺควาสํ  วสิตฺวา  ปุน  หิมวนฺตเมว  อคมํสุ  ฯ  ตตฺถ  โพธิสตฺโต

เวเทหตาปสสฺส  กสิณปริกมฺมํ  กเถสิ  ฯ  โส  ตํ  สุตฺวา  อภิญฺญา

ชาตกฏฺฐกถา ๕ ฉกฺก-ทสกนิปาตวณฺณนา – หน้าที่ 211

        *เล่มที่ 32  คนฺธารวคฺควณฺณนา  หน้า  211

จ  สมาปตฺติโย  จ  นิพฺพตฺเตสิ  ฯ  อิติ  เต  อุโภปิ  อปริหีนชฺฌานา

พฺรหฺมโลกปรายนา  อเหสุํ ฯ 

        สตฺถา  อิมํ  ธมฺมเทสนํ  อาหริตฺวา  ชาตกํ  สโมธาเนสิ 

ตทา  วิเทโห  อานนฺโท  อโหสิ  คนฺธารราชา  ปน  อหเมวาติ  ฯ 

                    คนฺธารชาตกํ  ปฐมํ  ฯ